Wakeli matuku 13 mwei wa kenda ni muthenya wa uthyumuo kwondu wa kuithwa kithitu kya wia kwa president munyuve Dr. William Samoei Ruto ta president wa katano wa Kenya.
Muungamii wa uthukumi wa silikali Dr Joseph Kinyua ula niwe mwenekivila wa nzama ila ikutwaiisya iseso ya kunengeleanilya utongoi wa kivila kiu kinene vala isyitwa yake Ruto yiutumbithwa muthyani wa kyumwa ithanguni ya silikali.
Iseso ya kuithwa kithitu kwa Ruto ikatwaiiwakiwanzani kya Moi International Sports Centre in Kasarani, Ilovi, kati wa saa inya kioko na saa nyanya muthenya.
Chief Registrar wa makoti Anne Amadi niwe ukaamuithya kithitu, iseso ila ikatongoewa ni Justice Martha Koome vala munini wa Ruto Rigathi Gachagua onake ukaithwa kithitu o sua usu.
Kwii wakwambiliilya matuku atano mwei wa kenda niw’o koti wina ukumu vyu unaakumbatiilye usindi wa Ruto nthini wa unyuvani ula unatwaiiwe matuku kenda mwei wa nyanya itina wa musindani wa Ruto, Raila Odinga kunyungunyisya.
President Uhuru Kenyatta, na ula unaamukwete mbau Raila Odinga niuwetie kwitikilana na utwi wa koti wina ukumu na ateekuweta isyitwa ya Ruto niuwetie kana nzikaiyo sya kwailya kyathi kya kunengeleanilya utongoi nisyeendeeye.
