Muthembi wa kivalo kya Kikumini kuya kauntini ya Makueni Diocesini ya Masaku Rev Fr Anthony Muasya niwawenda muvea wa uiiti wikie walanio mwailu wa kuthima uwau wa Ebola kwa akuwa na mateleva ma ngali ila siendaa syalo ndaasa ala matumiaa lelu munene wa kuma Ilovi kuthi Mombasa na munomuno ila syikuma nthi mutui ya Uganda kwoondu wa kwiisyiiyania na kunyaiika kwa uwau wa Ebola ula uuwetelwa nthi ino mutui ya Uganda.
Fr Muasya easya kana mateleva aingi ala matumiaa lelu uyu nimavulanaa na andu masokoni kivathukanio maumite isioni ta isu kuuwetelwa uwau uyu wa Ebola na ni muisyo muno kwa ekeli ma kaunti ila lelu uyu uvitilite aiweta kana vena utonyekanu uwau uyu ukalika isioni mbiingi na muno sya Ukambani kula basi na maloli aya nikw’o maungamilaa mathumue kana kuya.
Muasya easya kana uleelu ta ula wakusiiwe ivinda ya uwau wa Corona uyailite kukusiiwa ingi ivinda tayii nthi yivuilitwe ni ma umu ma mikalile.
