Mundumuka umwe wina ukuu wa myaka 30,niweekiwa mbini ni maovisaa ma volisi ngaliko sya Kimangu Kithimani ukamba w Yatta kauntini ya Masaku, aikonanwa na kiko kya kutia kana kake ka kelitu kena ukuu wa mwaka umwe na myai 7 kwa kilungu kya mithenya 3 kiatianiasyo akavingiite nyumba, vala kesie kutiwa ni thayu.
Mauvoo asu nimaikiithwa ni Chief wa Kimangu location muwandu Jane kisangai vala watavya muveleki wa mauvoo kana akuniwa report ni mavundi ma mwako meewa kana kau kayiiya nyumba,vala woosa itambya ya mituki ya kukwata nyinyia wa kana kau, na amulasimithya avingue nyumba vala meethia kana kau katiwa ni thayu.
Mundumuka usu eiliwa ta eikwatanitye na maundu ma uthengi na kulekeleelya kana kau.
Mwii wa kana kau niwooswa ni volisi, vala watwawa nyumbani ya kusuvia akw’u ya Yatta Funeral Home.
| ReplyForward |
