Andu 2 kati wa 7 ala manavithukiwe na mowawa ni imamai sya Alshabaab kuya nthi mutui ya Somalia matuku 30 ma mwai muthelu manaumite nduani ya Kithambio ila ii location wa Kithoni ward ya Muvau/Kikumini kaondi ya Makueni vala andu ma musyi woo menda silikali imatetheesye kumaumaasya.
Nicholas Muthiani wa ukuu wa miaka 24 na wasa wake Stephen Mutunga wa ukuu wa miaka 36 manathukumaa wia wa kutonya ndovoi na kampuni umwe nduani ya Geriley kuya nthi mutui ya Somalia na mavithukuwa ni imamai sya Alshabaab masaani ma utuku mathangwa na mavuti makwa na mitokaa yoo yakwatwa mwaki.
