Muvea wa kusuvia nyamu sya kithekani wa KWS nuwetie kana nutonya utila utethyo ula methiitwe mainenga imwe sya syana ila syiiviawa fees ila syumitwe misyini ila ituanie na mutitu wausuvia nyamu sya kithekani kya Kyulu,myaki ila ikwataa mutituni uu yaendeea kwananga mutitu usu.
Usu uneeniwe ni amwe ma Maovisaa ma KWS ala meekomanie na enenthi nduani ya Kikunduku_Kibwezi kuneenea undu thina wa mwaki ula ukwataa kiimani kii utonya kuthela ekali ma kisio kiu maitetheanisye na KWS,kuu KWS yiiweta ilovia isu nutonya utilika kutumika kuvosya myaki na utungiia mutitu usu.
Aineena itina wa umbano usu MCA musakue wa Thange Eric Katumo nutulile muti KWS kwenda kuweta ta ekali ma kisio kiu makwatasya myaki mutituni wa Kyulu aiweta nukuendeea ukwatiania na enenthi kusuvia mititu usu aiweta nukuendeea kutwaiisya mbumbano na enenthi kumatavya vata wa kiima kii,ayenda ekali ma kisio kii ala matuanie na kyulu kunewa mwanya kuithya na kutema nyeki ya indo mutituni wa Kyulu undumwe na KWS kuandika amwe ma ekali ma kisio kiu ta athukumi kutetheesya kusuvia mutitu usu.
Enenthi ala meivikite umbanoni usu niamendeeie kuweta kutetheeanisya na KWS kusuvia mutitu wa Kyulu na kuthuima ala matonya itha makwatasya myaki nziakaioni sya kusuvia Kyulu
KWS yiweta ta makee utumia ilovia mbingi kuvosya mwaki wakwata Kyulu nakumia ngalama nene kutungiiya mutitu uu wakwata mwaki ilovia ila meuweta syaile itha iitumika kutetheesya ala matuanie na mutitu uu tanzia ya utui museo na mutitu usu.
