Ikundi ite ya kiiselikali ya CMMB kana Catholic Medical Missions Board imuamba na muvea wa uiti na uima wa mwenenthi kauntini ya Kitui niyatwaiisya iseso ya kuthima aamwaitu uwau wa cancer kwa nyumba ya mwana na nondo vate ndivi iseso ila yatwaiwa kanisani wa Potters ula wi vaa musyini wa Kitui.
Maineena na aandiki ma mauvoo kavindani ka iseso yii atethesyaa aa ma matakitali matongoewe Esther Kananu kuma sivitalini munene wa Kitui niwaweta kana amwaitu kuma ukuu wa katikati wa myaka 25-49 nimo me muisyoni wa kukwatwa ni uwau uu, aimakulya mayumilye kwa wiingi na kusiswa kana mena ndalili sya uwau uu
