Mumbunge wa aka kaundi ya Masaku Joyce Kamene Kasimbi niwaweta kana nukuthakya mutalatala mbungeni nene nikenda ta ambunge masukumiiye silikali kwisila muvia wa kisomo kusukumiiya kwongelwa kwa kinandu kila kivathawa kwoondu wa kutuiika walanio wa kunengane tutaulo twa mwai kwa amamyiwa ma eitu ma kuma kilasi kya 6 kuthi na yiulu nundu kinandu kiu ni kinini muno.
Kasimbi niwaelesya amanyiwa aingi ma eitu ala matatonya kukwata tutaulo tuu ta maendeeye kunyamaa vanene ona kuvika aingi kukosa kuvika sukulu.
