Umunthi niw’o muthya wa utongoi wa president Uhuru Muigai Kenyatta itina wa kwithiwa kivilani maita eli ala ni undumwe na muongo umwe.
Dr. William Samoei Ruto eithiwa aitwika president wa katano wa Kenya itina wa kumuvalukya muvinzani wake wa vakuvi Raila Odinga ula kisasi kyake kya muthya kinaathie nza wa voma nene ya president kwa ivinda ya katano, na ona itina wa maunyungunyisyo ma ngwatano yake ya Azimio la Umoja One Kenya kotini wina ukumu, wamuvitithya Ruto ungu wa mwavuli wa Kenya Kwanza onakau Raila anakwetwe mbau ni Uhuru.
Ruto niwathanite kutheesya ngalama ya miikalilile oundumwe na kuukitana na alusani vala Uhuru ukutaania mathunya maseo ma uthyumuo, aikwata silingi milion umwe ndono ili kila mwei, ngili maana eli sya mauta ma ngali, ngili maana atatu sya nyumba, ngili maana eli sya kiw’u, ngili maana eli sya kwiitaanithya, ngali inya sya kiutongoi na uiiti muthinikie kwake na muka kati wa mauseo angi.
Kyathi kiiya nzau kya kusenzya utongoi kuma kwa Uhururu nginya kwa Ruto kiwanzani kya Kasarani vala kikuatiiwa ni uithyo wa kithitu kya wia kyake Ruto na munini wake Rigathi Gachagua.
