Silikali ya nthi mutui ya Uganda kwisila kwa muvia wa maundu ma nthi sya nza niyaaweta kana vena wiwano na unyanya kati wa nthi ii syeli.
Muvia usu wiiweta kana silikali isu nditumiaa nzia sya mitandao mikumukanilni na nthi ingi kana maunduni ma vata nthi isu na yingi nditumiaa mitandao ta ukusi, itina wa mwanae president wa Uganda Yoweri Museveni, Muhoozi Kainerugaba ula yingi niwe komanda wa ita sya muthangani kumya uneeni mutandaoni uukonya kau vala uwetete Uganda itonya kukua ivinda ya syumwa ili kwosa musyi munene wa Ilovi, ndeto ila syetie ivyuvi yai.
Utumanini wake yingi niuwetete kana president uthyumuiye wia Uhuru Kenyatta ethiwa anaavitie keka nunetisye kivila ivinda ya katatu.
Muhoozi niwanenevwa ndeve kuma komanda na kutwikithywa Geneneral wa ita sya muthangani.
Vau kiokoni kya umunthi, minista mwooloote maunduni ma nthi sya nza Dr Alfred Mutua, niukomanie na Dr Hassan Galiwango, ula niwe High Commissioner wa Uganda vaa Kenya.
