Serikali ya kaundi ya Masaku niyambiisya walanio kuseuvya malelu ala manangiku muno isioni sya nduani ala nima kilomita ngili 3,000 oundumwe na kuvukua masilanga ala malindikie mbee wa mbua kwambiiya .
Walanio usu wa kwambiliilwa kwa kutemwa kwa malelu asu wambiiwa ni gavana wa kaundi ya Masaku muwandu Wavinya Ndeti na Munini Wake Francis Maliti na uithwa utwaaiwa wardini 40 ila syi kaundini isu.
O kavindani kau Ndeti niwenda athukumi ala meutwaaisya walanio usu wa kutema malelu maikiithye nimathukuma kwa nzia ila yailite matena kikono.
