Munini wa president Dr William Samoei Ruto niweetya enenthi uekeo kukonya uneeni wa Senator wa kaunti ya Meru Mithika Linturi ula unaumisye umbanoni ula unaatwaiwe kuya Eldoret muthyani wa kyumwa.
Aineenea kuya kauntini ya Bomet,Ruto ona ou wiovo niwakulya nthu syake sya kiuteti syeke kuuniiya ngu ndeto isu aikulya mutwaiisya wa makwani ma silikali DPP Noordin Haji na Inspekta General wa volisi Hillary Mutyambai kwika ukunikiliyiulu wa ndeto isu.
Linturi anekiiwe mbini iyoo eo Eldoret na vala unathaamiiswe musyini munene wa Ilovi kukulwa maukulyo.
Linturi ethiingiliila kana uneeni wake ndunaathimite undu ualyulilwe vala Ruto nake waweta Linturi niwitisye uekeo na ndaile kuvinyiiwa na akulya uvyu wa miyao uteme ngali syonthe uteekweekea ngali imwe.
