President wa katano wa nthi ya Kenya ni Dr. William Samoei Ruto.
Ni itina wa Koti munene vyu vaa Kenya (Supreme Court) kumya utwi kana vayii ukusi wianiiye kuleana na mausungio ma unyuvani muvitu itina wa asili muonza kwika ukunikili wa maunyungunyisyo ala manaavikitwe ni ngwatanio ya Azimio kotini usu.
Ruto niwaweta niukwianiisya maundu onthe ala silikali yake inaathanite na aweta kana ingi niukukwatiania na president umite Uhuru Kenyatta ovamwe na ngali ya Azimio ila niyo ya ulei.
President Ruto eweta kana nthi ya Kenya ni nthi ya uthasyo na ti nthi ya ngethi sya makwatianio ateo ni makwatianio uthukumini wa mwenenthi.
Ruto eithiwa ayiithwa kithitu kya wia kwii matuku 13 mwei uu na atunga muvea kwa onthe ala manamakwatie mbau na Akenya onthe kuikiithya muuwo mbee na itina wa unyuvani muvitu na athana uthukumi ute kikono na wa maendeeyo.
