Ateti ala manaukitia ivila kivathukanyo sya kiuteti kauntini ya Kitui nthini wa unyuvani munene ula unatwaiwe mwai wa nyanya mwaka uu na tikikiti wa kyama kya UDA, nimatungia president William Ruto muvea kwondu wa kumusakua Peninah Malonza ula umiite Kitui kya itheo ta minista muveani wa utalii,kithio na nyamu sya kithekani vaa nthi ya Kenya.
Nthini wa valua ula watumiwa nyumba sya mauvoo ateti aa matongoewe ni mumbunge wa Kitui kya umiloni wa sua Nimrod Mbai, ula unaukitia kivila kya umbunge kya Kitui kya kati Bonnie Musambi, Charles Nyamai kitui rural, Ben Muasya wa Kitui kya uthuiloni wa sua na na ula ukukitia kivila kya umbunge wa Kitui kya itheo Eng.Dennis Mwangangi, nimaweta uu ta uuniko munene kwi enenthi ma kaunti ya Kitui kwa ukwata uminista nthini wa selekali ya Kenya Kwanza,maimwenda Peninah kuthukuma vakuvi na president Ruto, nokwondu wa kuetee kaunti ya Kitui maendeo kuma kwi selekali nene.
