yama kya Jubilee kila kitongoewe ni musumbi ithyumuiye wia Uhuru Kenyatta nikyaete muvuavuano mbungeni itina wakyo kwendekethya myanya imwe ya mbungeni kivathiwe utee na makwatianio ma vau mbeeni ma ngatano ya Azimio la Umoja.
Azimio inendekethetye muyumbe Sabina Chege na munini wake muyumbe wa Suna ya umiloni wa sua Junet Mohammed ta anini ma akuni ma mutalisa, masyitwa ala manengiwe spika Moses Wetangula ni muandiki munene Jeremy Kioni ni angi.
Ayumbe ala mendekethetwe ni Jubilee ni vamwe na muyumbe wa Mbalambala Shurie Abdi Omar ta ndongoi, Samuel Arama (Nakuru Town west)ta mukuni wa mutalisa and Sarah Korere (Laikipia North) ta munini wake, vala muyumbe wa Eldas Adan Kenyan olotetwe ta muandiki.
President Ruto aatangasie muyumbe wa Kikuyu Kimani Ichung’wa ta ndongoi ya aingi mbungeni nake munini wake e muyumbe wa Kilifi North Owen Baya, vala Raila umwoolottete muyumbe wa Ugunja Opiyo Wandayi ta ndongoi ya aingi ungu wa Azimio na munini wake muyumbe wa Kathiani MP Robert Mbui.
Kenya Kwanza imwoolootete muyumbe wa South Mugirango MP Silvanus Osoro ta ndongoi ya aingi mbungeni munini wake e muwakiolishi wa aka kauntini ya Marsabit Naomi Waqo vala Azimio inyuvite muyumbe wa Suna East MP Junet Mohamed ta ta mukuni wa mutalis aitetheeswa ni Sabina Chege.
Kitumini kii spika wa mbunge niwakulya kalani wa mbunge aandike valua kwa ndongoi ya aingi na ya anini mbungeni na yinewa akuni eli ma mutalisa nikana masuanie na kunengane masyitwa kenda ma ayumbe ala makethiw=awa nzamani ya kuthiiniuia maundu mbungeni (HBC)
