Munini wa President William Ruto niwaweta unenanya ula wendeye kati wa kyama kya UDA ,ANC na Ford Kenya niwakwailya nthi ya kenya kuma kwailya ukwati,democrasia,ulusani ,thie munene ula itaetwe kati wa maundu angi.
Ainenea musyi kwake kisioni kya Karen vaa musyini wa ilovi kavindani kala wakomana na ambunge ala makukwatite mbau niwaweta uneni ula Musalia Mudavadi ula niwe ndongoi ya kyama kya ANC unenie kwi iyoo niwonanya wa kana ena mwolooto umwe ula wina kyama kiu kya UDA vala waumbula omituki nimekwithiwa maitangasa muungamo wa ngwatanio isu me nayo kwa akenya.
Oingi niwatula muti ateti amwe ala meukitia kivila kya usumbi na muno ndongoi ya kyama kya ODM Raila Odinga na kwithiwa aikunia maleve uteti wa ithokoo vala waweta muungamo wa kyama kya UDA ti kwikonya na uteti usu  ayunya wito kwa inspector General wa polisi Hillary Mutyambai kumosea matambya mavyu ma miao ateti ala mekuothotheea ithokoo kati kati wa enethi kavindani ka kampeini syoo.
