Ndongoi kisioni kya Rift Valley ya yiulu syenda vethiwe na mboya syii mwanya kuatiania na uvithukii na ung’ei wa indo ula wikinyiite muno kisioni kiu.
Ndongoi ii ila syivikite kyathini kya uthaithi wa kutunga muvea kisioni kya Ainabkoi kila kii kauntini ya Uasin Gishu, nimaweta kana uvithukii uu niumatwiikiiye kitung’u na no mboya syii mwanya itonya kuete usungio.
Senator wa Nandi Samson Cherargei easya kana nukwendekethya mwiyao wa kuukitana na umaamai uvitithwe mbungeni nikana avithukii ta asu makoseawa matambya ma kii miyao, aiweta misyi mbingi niityitwe ite kindu itina wa ene kuwawa na indo syoo kutavwa.
Nake minista mwoloote muviani wa malelu na ukui Kipchumba Murkomen easya kana silikali nikuikiithya nikweethiwa na muuw’o mwianiu mbee wa mboya isu kutwaiiwa.
Nake mutetheesya wa vakuvi na muu nthini wa president William Ruto, Farouk Kibet niwaweta no nginya kaunti sya Baringo, West Pokot, Turkana, Elgeyo Marakwet na Samburu ikaetwe vamwe kwa wiwano namakwatianio na mboya iyiendeeya kutuumanya muuw’o kati woo.
