Mutwai umwe wa mota niwakongwa akwa vau kwa vau itina wa mota ila eitwaite kukongana kyongo kwa kyongo na ngali nini muthemba wa pick up vakuvi na soko wa Muthingiini leluni wa kuma Kambu kuthi Nzeveni-Kibwezi kauntini ya Makueni.
Ayikiithya mauvoo Kivu wa Nzambani Benson Ngutu niwasya mbanga ii i yakitika kavindani kala mota na ngali ii syakomana isembete muno vala wakulya atumii ma melelu kwithwa metho na kusuviana.
Mwii wa mutwai uu wa mota niwoosa ni maovisa ma volisi na watwawa nyumbani ya kusuvia mii ya akwu ya Makindu,ngali na mota siitwawa kiseseni kya volisi kya kibwezi.
Mbanga ingi Kombu,Kitui.
Munduume umwe niwatiwa ni thayu vau kwa vau na angi atatu makwata maumisye mai itina wa mota ila mekuanite nayo kwasya nzia na kuvaluka kisioni kya Kombu leluni wa kuma Kabati kuthi musyini wa kitui utukuni wa kuamukia umunthiÂ
Mauvoo ma mbanga ii maikiithwa ni kivu wa kivalo kya Kombu wardini ya kithumula/kwa mutonga kiliombunge kya kitui kya uthuiloni wa sua Veronica Pius.
