Ngavana mweu wa kaunti ya Makueni Mutula Kilonzo jnr, munini wake Lucy Mulili,ndongoi sya makanisa na athukumi ma silikali ya kaunti isu umunthi nimeethiwa na uthaithi wa misa ntheu mauvisini ma kaunti isu musyini wa Wote mbee wa kwambiiya wia.
Aineena itina wa uthaithi usu Mutula jnr niwenda athukumi ma silikali ya kaunti isu mathukume matekusukumwa nikana mwene nthi aunike ,vala we mwene wathana kuthukuma engwatanio na ndongoi syonthe ila nzakue kauntini isu.
Ni ivinda ya uthaithi na mboya sya kuthesya uvisi wa ngavana na munini wake na nyumba ila makethiawa mayikala na athukumi moo vala ngavana Mweu wa Makueni Mutula jnr wenda vamwe na kwikia kithito kya kuthukuma mwene nthi, athukumi ma silikali ii maikiithye wiananu kwa ene nthi onthe, munene ota munini, na athwii na ala mena ukwati munini.
