President William Ruto yu easya kana ngali ya Kenya Kwanza niikwosa utongoi wa mbunge nene vamwe na ya senate.
Dr. Ruto eweta kana mo mena utalo ukilite wa ngali ya Azimio vala mendekethya muyumbe Kimani Ichungwa kwithiwa ndongoi ya aingi mbungeni nene na Aaron Cheruiyot mbungeni ya senate vala Sylvanus Osoro ayoolootwa mwanyani wa mukuni wa mutalisa wa ala aingi mbungeni, munini wake aiwetwa kwithiwa Naomi Waqo.
Ngali ya Azimio moloota Opiyo Wandai ndongoi ya anini mbungeni nene na munini wake Robert Mbui. Junet Mohammed ta mukuni wa mutalisa na munini wake muyumbe mwolooye Sabina Chege. Stewart Madzayo ayosa mwanya wa ndongoi ya anini mbungeni ya senate nake Enock Kiio ta munini wake vala senator Fatuma Dullo ni mukuni wa mutalisa wa ala anini mbungeni ya senate na munini wake senator wa Ilovi Edwin Sifuna.
Kivalua kinene ki kwa spika wa mbunge Moses Wetangula kumua utwiyo ateo no kwianana na utalo wa ala aingi itina wa kila ngali kuweta yina utalo munene mbungeni isu.
