Nthi ya kenya kwi umunthini nikukwatania na nthi ila ingi ikonyoni syonthe sya yonthe kusomethya enethi yiulu wa uwau wi muisyo wa cancer muthenya ula kielelo kithiawa kusomethya enethi nzia sya kwisyiana na uwau usu na kumanenga wikwatyo endwa maitu ala maendeye na kuukitana nawo.
Mwakani uu wa 2022 kielelo ni “Close the Care Gap” kithitoni kya kuete kyenini uwau uu wa cancer na matambya ala mbikaia oyu mosetwe kuukitana uwau usu.
Kwianana na muvea wa uima wa mwii nthi yonthe ni kana uwau wa cancer ivindani yii niwithiitwe muisyo muno na kuwaa ma million ma enethi vala withiawa wi mithemba mbingi.
Ve cancer ya nthakame,ya ivu,ya kikonde,ya itema,ya usyai ila iwaa amwaitu,na ya nondo vala kilungu kya ikw’u sya uwau usu kivikite 27% nthi yonthe.
Ni kumanwa na kii vala serikali ya nthi ya kenya yikiite matambya ala mailite kuikitha ala mawaa uwau usu nimakwata uiti museo kwa kwithiwa amwe mavikiia na kutambuka nthi sya nza kukwata uiiti usu wakosekana vaa nthi ya kenya kindu kila ni ngalama yi yiulu ya uiti.
