Musako wa mateleva ala meutula miyao ya maleluni niwaambiiya umunthi Kenya yonthe, kusyiiya ikwu na mawuumisye ala maumanaa na mbanga na muno ivindani yii ya masikuku.
Minista muviani wa maundu ma nthini Prof Kithure kindiki na munyanyae wa malelu Kipchumba Murkomen kwa vamwe nimaambiiya muvango uu ula ukonya maovisa ma volisi vamwe na muvea wa kulunga ukui maleluni NTSA.
Maminista aa nimeyiava kuikiithya ala meeka mavityo nimakomanwa na miyao, maiweta kana mbingi sya mbanga syumanaa na unywi na utumii wa ndawa sya kumila.
