Munini wa gavana wa kaunti ya Baringo Charles Kipng’ok niwathikwa umunthi.
Kipng’ok atiiwe ni thayu e Kiwanzani kya ndekw kya JKIA vaa Ilovi elekeele Mombasa matuku 14 mwei uu vala waendaa umbano wa maumanyisyo kwa magavana na anini moo, itina wa kwithiwa na thina wa kuveva, mbee wa ndeke ya kambuni wa KQ kuuluka.
Munini wa president Rigathi Gachagua, kamishma wa Rift valley Mohamed Maalim, Gavana Benjamin Cheboi, minista wa uthukumi Simon Chelugui ni kati wa ndongoi ila syavika mathikoni asu ala matwaiiwa skulini wa secondary wa eitu wa Solian, ula wii Eldama Ravine, Baringo.
Gachagua niwakulya enenthi kuima mitituni kwondu wa kuukitana na nzaa na aweta kana thina wa uvungulu wa muuwo kisioni kya Kerio Valley na isio ingi vaa Kenya niwiuthela ivindani ikuvi yukite, aiweta nzama nzau ya maminista nikuwetwa omituki.
