Maovisaa ma volisi musyini wa Masaku nimambiisya ukunikili yiulu wa kiko kimwe vala munduume wa ukuu wa katikati kuma kisioni kya Mukalala kila ki sub-location ya Misakwani Mumbuni location ukamba wa Masaku ukuwetwa wowaa kana kake ka ukuu wa myaka 3 na itina nake eyumya thayu kwa kwisuusya nyumbani yake.
Ayikiithya mauvoo asu chief wa mumbuni location Mathew Mulee niwaweta munduume usu ta waumya thayu kana kau kwa kukatila ngingo na kavyu vala itina wa kutwaiisya kiko kiu kya kinyamu nake wasyoka esuusya nyumbani isu yake.
Kwa oyu maovisaa ma volisi ma Masaku nimavikite kisioni kii kya Mukalala vala maendeeye kuthiana kumanya kila kithwa kyothotheea munduume usu kutwaiisya kiko kiu.
Mii yoo niyooswa ni maovisaa ma volisi yatwawa nyumbani ya kusuvia mii ya akwu ya sivitali wa Machakos level 5.
