Muandiki munene wa ngwatanio ya kutetea mavata ma athukumi Kenya (COTU) Francis Atwoli yu ekulya silikali kukuna muungu mivea yonthe ya kumanthia andu mawia nthi sya nza na muno Middle East, itina wa musivi umwe wa video kunyaiikwa mitandaoni mundumuka alaasimithitwe kwongya ngiti.
Mundumuka usu eweteka kutambuka Middle East kumantha wia myei ikli itina wa asyaa na vala vwana wake unaamanyie kana nunoongasyaa na amunenge tukite ongasyae.
Okavindani kau Atwoli niwaakulya silikali ilikiliile kati na kuthinikia mundumuka usu vamwe na angi me mokoni ma unyamao nthi sya nza aiweta kyu ni kivuthya na kutumiwa nai na akulya enenthi kwithiwa na umiisyo kumantha mawia vaa Kenya kana kwikia mitalatala myailu ya uthukumi makwata mawia nthi sya nza.
