Ukanio muvyu niwaumwa kula kwi ekali ma ward ya Kiteta Kisau na muno ala mathengeanie na mutitu wa katende kumana na kila kiuwetwa ta kwina amwe ma enenthi methiitwe maikwatya mwaki kithekani kiu na kuete ngalama nene na wanangiko .
Aineena na kameme Kaa MCA wa ward isu ya Kiteta Kisau ,ila yii kilio mbunge kya Mbooni Darius Mainga, niwaelesya kana ve mwaki unavuthie mutitu uu wa katende na wavikiia na kuvow’a indi kwi masaani ma mawiyoo muthenyani wa iyoo,mwaki ungi nuvikiie na kwoneka kisioni kiu,na vala wenda onayo silikali ya kaunti ya Makueni uungu wa utongoi wake ngavana Mutula Kilonzo Jnr, undumwe na muvea wa kusuvia mititu Vaa Kenya KENYA FOREST SERVICES kuikiithya kana mivango myailu niyatwaiiwa kusuvia imwe ya mititu kauntini ya Makueni ta nzia imwe ya kuikiithya usuviiku wa mawithyululuko.
