Akuwa 17 ala mei ngali Muthemba wa matatu Ii ikua akuwa 42 nimasembwa kukwata uiti suvitalini wa machakos level 5 mena maumiisye ma kutinangwa itina wa matatu ila meinayo kwitha yaasya nzia na yavingilita masavali kauta konani sya kaseve leluni wa Kuma masaku kuthi kitui ivinda ya mbanga matatu isu yiumite masaku yelekele ngaliko sya mbumbuni Makueni
Mauvoo asu nimaikiithwa ni ovisaa ula ungamiite muvia wa kukitana na mbanga sya mituki kaundini ya masaku David Mwongela ula watavya muveleki wa mauvoo kana matatu isu yaasya nzia Kumana na muumbi mwingi ula Wii kisioni kiu Kya kaseve.
Ung’ei volisi
Ovisaa umwe wa volisi Kuma kiseseni Kya volisi Kya masii ukamba wa mwala kaundini ya masaku nusyiiwe o kiseseni Kya volisi Kya masii aikonanwa na kwitha atulike uvisi wa ocs wa kisese kiu Kya volisi Kya masii na ooya kimanza Kya silingi ngili 71,000 ila ni ilovia sya cash bail na syii inaivithwa esililwa ala meimanalekwa Kuma kiseseni kiu Kya masii
Mauvoo asu nimaikiithwa ni commander wa maovisaa ma volisi subcontini ya mwala Ronald Kirui ula watavya muveleki wa mauvoo kana itina wa ukunikili ovisaa usu wa volisi ethiiwa avithite ilovia isu ungu wa mota nyumbani ila wikalaa na nukwitha aithakwa kotini akomanwe na miao .
