Gavana wa kaunti ya Kirinyaga Anne Mumbi Waiguru niwe mwenekivila wa nzama ya magavana (CoG).
Waiguru niwamusinda Joseph Ole Lenku nthini wa unyuvani ula watwaiiwa kwa kula ya kimbithi.
Gavana uu walika kivilani kwa ilungu ya keli easya kana ena utuika wa kwiana itina wa kwithiwa athukimite ta minista muviani wa silikali sya mityuuko, vala munini wake ni Mohamed Abdi Mohamoud ula ni gavana wa Wajir, na vala woseleela mwanya usu kuma kwa ula unai gavana wa Embu Martin Wambora.
Usindi wa Waiguru niwaendeeya kunenga Kenya Kwanza vinya itina wa mbunge syeli kwithiwa itongoewe ni Kenya Kwanza.
