Fernandes Barasa niwaithwa kithitu kya uthukumi ta gavana wa Kakamega vamwe na munini wake Ayub Savula , iseso yila yatwaiiwa kiwanzani kya mathau kya Bukhungu.
Gavana umite Wycliffe Oparanya niwakuusiiya iseso yii na kumunengeleelya utongoi.
Munini wa gavana Ayub Savula vau mbeeni niunaawetete kana kaunti isu yianikite keli na ethi gavana munyanyae Barasa indi ti munini wake ndeto ila waweta taitai syaw’o na uneeni wake tawaalyulilwe.
Kungi Abdulswamad Shariff Nasir na munini wake Francis Thoya otaou nimaithwa kithitu kya uthumi wa kaunti ya Mombasa ta gavana na munini wake, kyathi kila kyatwaiiwa kiwanzani kya Mama Ngina.
Ndongoi sya Azimio evo Martha Karua,Kalonzo Musyoka, Senator Ledama Olekina, muyumbe Naisula Lesuuda na Fatuma Gedi nimavikite kyathini kiu, vala Karua wamakulya maikaatuliulye ndu silikali na maseeseye mali yoo ateo mathukume me muamba nayo.
Gavana umaalite Hassan Joho niwaweta ena muikiiyo na eli aa kuendeesya uthukumi ula unaambiiyite.
