Queen Elizabeth II niwathikwa umunthi kuya St. George’s Chapel, Windsor Castle ula ni muminukilyo wa kyalo kyake kya muthya kila kinaambiiye kisioni kya Westminster Abbey.
Nthi ya Britain niyamunenga ndaiya syake sya muthya Queen Elizabeth II umunthi Wakwambiliilya nthini wa kyathi kila kiivikitwe ni ndongoi kuma ikotoni inya sya nthi na makili ma andu ala metikilitwe kuvika vala Mukumya Malkia ukuthyuumuuwaa.
Ngengele ya kanisa wake ila yina ukuu wa myaka 1,000 niikunie maita 96 mataaniswe na ndatika imwe, wonanyo wa ukuu wake mbee wa misa ya akwu kwambiiya saa itano kioko masaa ma Avilika ya Umiloni wa Sua.
Mwanae mukuu na ula woseleele usumbi King Charles III, ekiite ngua sya ita sya syathi ena ainae atatu maatiiye mboya sya muthya kuma London.
Mei vamwe na mwanae Charles muukuu Prince William, mwanainya Prince Harrykati wa andu ma musyi usu wa kiusumbi.
President William Ruto na muwandu wa mbee Racheal Ruto nimavikie mathikoni asu vamwe na ndngoi ingi mbee wa maana atano ala meithoketwe vala ndongoi kuma nthi ya Russia, Belarus, Myanmar na Korea ya yiulu matathoketwe kuatiania na kwithiwa nthi ii itena mituo miseo.
Ruto niukuvika umbanoni munene wa ngwatano ya nthi UN General Assembly kuya America vamwe na ndongoi ingi 43 sya Kenya na vala meikwaatiwa kuneenea utianya wa Kenya na nthi sya nza na muno wa kiviasala.
Ruto eikwatiwa kusyoka vaa Kenya wakana ukite.
