Munini wa president Dr William Samoei Ruto nouendeeye kwikia kithito kumukuuwa ndongoi ya ANC Musalia mudavadi kulika kambini yake aiweta kana ena atiiyi aingi na wasya mbee wa ndongoi ya ODM Raila Odinga.
Ruto aneena kii kwi umunthi yila eitwaisye kampeini syake isioni kivathukanyo kaundini ya Vihiga
Aineenia isioni sya Luanda kaundini isu, Ruto niwaendeeya kukunia ndeve uteti wake wa Bottom Up, vala waikiithya enenthi kana silikali yake ikanengana bilioni 50, ta nzia imwi ya kukwata mbau maundu ma utandithya vaa Kenya.
Kavindani kau Ruto, niwamutula muti ndongoi ya kyama kya ODM Raila Odinga kwa kuleana na iseseo yake ya kunengana mbesa kwi enenthi.
