Makanga eli nimeekiwa mbini ni maovisaa ma kuthiinikia wailu wa maleluni NTSA itina wa kwika syiko syiutheetha mathayu moo.
Eli aa mosie musivi wa video umwe atulumanite ngasini ya kutulya miiyo nza wa ngali na ungi akinyite ngali ila usu utulumanite ui, matatu syonthe syendete na manyaiikya muusivi mitandaoni.
Kwisila kwa Twitter ya NTSA ni kana eli aa vamwe na maateleva nimeekiwa mbini na nimeukomanwa na miyao kya syiko muisyo kwa mathayu moo.
Oingi NTSA niyaakulya enenthi na atuumii onthe ma lelu kwithiwa ngunuu na kukuna livoti moona syiko ta isu.
