Munini wa ula unokitiaa kivila kya upresident na tikiti wa Azimio Raila Odinga muwandu Martha Karua easya kana niukuvikya maunyungunyisyo make kukonya usindi wa president munyuve William Ruto kotini wa nthi sya ilembeta ya Avilika ya umiloni wa sua.
Karua easya kana niukuneenanya na koti usu ula wii Arusha nthi ya Tanzania kumanya kana utw’i ula unaumiwe niwaw’o.
Oo kavindani kau Karua niwaweta kana noweteele utw’i mwithianiu kuma kotini wina ukumu vaa Kenya ula ukaumwa itina wa matuku 21 kuma yila koti usu unaanenganie utw’i wa Ruto kwithiwa president wa katano wa Kenya.
Koti wina ukumu vyiu vaa Kenya kwisila kwa musili munene muwandu Martha Koome kwii matuku atano mwei wa kenda niwavitukithisye Dr. William Ruto kwithiwa president wa katano wa Kenya.
