President William Ruto easya kana vayii ndongoi ya ulei ikulikwa silikalini.
Aineenea kuya Naivasha vala eikomanite na ayumbe ma Kenya Kwanza, Dr. Ruto easya kana silikali yake nikunenga ndaiya kianda kya ulei kumilunga silikali aiweta nayo silikali niyiiyovete kaviukuli kwailya na kutwaa Kenya mbee.
Kungi ndongoi ya Azimio la Umoja one Kenya Raila Odinga niukomanie na ayumbe ma ngwatanio isu kuya Masaku na vala uwetie usakuani muvitu, Kenya Kwanza niinaendeeswe ni nzama ya unyuvani na mivaka IEBC vamwe na muvia wa koti kwosa usindi.
Otaou nimeeyiavie kumimilika silikali, maiteteaivia wa isalu ula mekuweta niwaile kuthuimaa Maovisaa ma silikali, maileana na uneeni wa munini wa president Rigathi Gachagua waa kana muvia usu uyaile kinyamaasyaa athukumi.
Ona ou wiovo mukwatianisya wa kyama kya Azimio ila unai president Uhuru Kenyatta ndanaavika umbanoni usu vala mundu wina utuika wa maundu ma kiuteti Mutahi Ngunyi ukuweta nivatonyeka akethiwa evathanie na uteti itina wa kunewa kianda kya wiwanithya wa nthi ya Ethiopia na ila ya DRC Congo nake wokili wa Raila, Areba Omwoyo aimukilya Raila evathane na maamdamano ala uvaniite nundu mayivikwa ni enenthi nundu andu nimaminanie na uteti na masyokeeya mawia moo na nivatonyeka akalika ntheko.
