Nzama ya mituo miseo na kuukitana na ulusani (EACC) niyanenga koti munene lingilia wa kusyiiya mali ya lato wa silingi 88,807,473.67 kwa umwe wa ala manai maovisa ma nzama nene ya uungamii (CEC) silikalini ya kaunti ya Masaku aungamiiye muvea wa wiana wa soko (Urban) Urbanus Wambua Musyoka.
Kii kiuka itina wa Musyoka kuweteka kwithiwa aikonanwa na kiliingisi kya silingi .91,202,892, syavathiitwe kaunti isu ungu wa ala mavotheaa silikali sya mityuuko kati wa mwaka wa 2013 – 15.
Musyoka eweteka kwithiwa aivie kambuni imukonetye ila ni Wisdom Holding Ltd, Wemmar Enterprise, Wafih International Ltd na Kikoto General Merchants ilovia isu uvathukanu na miyao.
Eweteka yingi kwithiwa atumiiye silingi 80,251,815 kwaka nyumba ya musyi ya kiutongoi kisioni kya Kibauni Masaku vala vengi yatiiwe na silingi 10,951,077.
Ikwani yake ikaawetwa matuku 3, mwei wa 11, 2022.
