Selikali ya kati kwisila muveani wa kisomo niyendeka kuikithya mutalala wa kisomo wa CBC niwaila na muno isioni sya nduani
Uu waneenwa ni senator wa kaunti ya Makueni Daniel kitonga maanzo kavinda kala maovisaa anene ma kuandika alimu mevikite musyini wa wote kuneenanya na alimu anene ma masukulu kukonya mutalala uu mweu.
Maanzo niwaweta muvea wa TSC uyithiitwe wikiite kithito kila kyailye nthini wa kisomo kii Kya CBC kwa kila ukuweta kana mathina ma stima ,oundumwe na internet tawithiitwe uitunga na itina kisomo kii kwakwithya asyai nemo methitwe mavinyiiwa.
Muyumbe wa Makueni muandu Susan Kiamba aineena niwaweta vena vata wa kukwata mbau kisomo kii kya CBC kwa syana nundu nikinuenga mumanyiwa utonyi wa kwika maundu mekivathukanyo vala wenda selikali kukwatiania na asyai nikana kwailya kisomo kiu.
Kungi kauntini ya Kutui, ene ianda muviani wa kisomo meendekethya mutalatala mweu wa kisomo CBC uvyaiiwe itheka.
Aineena ivindani ya umbano wa ene ianda miviani wa kisomo ula wiivangitwe ni nzama ya kumaandika alimu TSC, muandiki munene wa KNUT uvonge wa Kitui Nding’o eweta kana mutalatala uu niuuvinyiiya alimu na asyai.
Oingi nimatulile silikali muti kwa kulea kukonya alimu muvangoni wa mutalatalani usu na makulya vethiwe na mivango myailu ya kuthaamisya alimu ovamwe na kuandika angi.
