Ayumbe na maseneta nimaendeeye kuithwa kithitu Kya wia nthini wa Kikalo kyoo Kya mbee masakuuwa unyuvanini wa matuku kenda mwei wa nyanya.
Ni nthini wa kikalo kii vala mbunge syeli ikwiikwatiwa kunyuva ma spika na anini masyo vala Kenya Kwanza yolootete Moses Wetangula mbungeni nene na Amason Kingi, mbunge ya senate vala anini moo molotete Gladys Boss Sholei na Kathiri Murungi kiatianisyo.
Azimio namo molotete Kalonzo Musyoka mbungeni nene nake Kenneth Marende ya senate, anini moo ni Farah Maalim, mutymbe wa Dadaab na Otiende Amolo wa Rarieda kiatianisyo.
Kutwika spika wa mbunge no ukwatie kilungu kya 2/3 Kya kula kila ni undu umwe na ayumbe 233 kati wa 349 maukwete mbau.
Kula isu ikaema kwiania kilungu kiu, nisyaile kusyokewa na ula ukusinda onethia ni kula siana (simple majority)ayosa mwanya usu.
Ii iithiwa mbunge ya 13 nene na ya kana ya senate.
