Kavindani kaa amanyiwa maendeeye kusyokethya masukulini kuma ivingani mataleva ma ngali sya matatu ala makuania kaundini ya Masaku nimakulwa maikiithye nimatwaa ngali kwa nzia ila yailite oundumwe na kuatiiya miao ya maleluni ila makuite amanyiwa.
Ndeto isu nikuatiania na commander wa maovisaa ma volisi kaundini ya Masaku Issa Mahamud kavindani kala watwaaisya kikalo na aandiki ma mauvoo musyini wa Masaku vala ingi wathingiliila kana maovisaa ma volisi sya maleluni nimeutwaaisya musako muvyu wa kusyimana na mateleva ala meutula miao ya maleluni nikenda kusyii kukitika kwa mbanga .
