Ann Kananu Mwenda kuavithwa ta gavana wa katatu wa Ilovi.

0
234

Ann Kananu Mwenda niwaithwa kithitu kya wia kutwika gavana wa katatu wa county ya Ilovi.

Kananu aithwa kithitu kya uthukumi nthini wa kyathi kila kii kikuvi na kiina mautiio maingi na kyatwaiiwa nyumbani ya mbumbano ya KICC vaa musyini wa Ilovi kisioni kya COMESA grounds.

Kananu ethukuma vakuvi na General Mohammed Badi ula utongoesye muvia wa kuthinikia musyi wa Ilovi wa Nairobi Metropolitan services.

Kananu ethiitwe e gavana wa kavinda wa Ilovi kuma mwaka uu waambiiya kuma aavithwa ta munini wa gavana na itambya ya kuavithwa ta gavana yasyiiwa ni ikwani yila yathakiswe ni ula unatwiiye e gavana Mike Mbuvi Sonko vala kyumwani kithelu koti wa yiulu unekisye itheka ikuani yii undu ula umisye lingilia ya kyathi kii kutwaiiwa.

Metho ma Akenya masyaiisye ula ukwolootwa ta munini wa gavana kavindani kaa vatyele myai ikumi unyuvani munene utwaiiwe.