Andu atano nimatiwa ni thayu vau kwa vau syivo syana itatu itina wa matatu ila yimakuite kukongana na iloli vakuvi na Mtito Andei leluni wa kuma Mombasa kuka Ilovi.
Akuuwa angi 11 nimakwata mawumisye mai na kusembwa sivitalini sya Mtito Andei na Makindu kukwata uiti.
Kwianana na mwenekivila wa Kinatwa Prestige Sacco Daniel Mutuku ila matatu isu yaandikithitwe nayo nikana yelekeele Nuu-kauntini ya Kitui yumite Mombasa.
Ndeleva na mundumuka umwe onamo matiwa ni mathayu vau kwa vau.
Komanda wa volisi wa Kibwezi Sub kaunti George Kashmir easya matatu isu yiviitukaa ngali ingi mbanga isu yiikitika vala mii yatwawa usuuviioni wa akw’u sivitalini wa Makindu.
