Maovisaa nyanya ma volisi, kivu imwe na enenthi eli nimowaiwe nthini wa ivithukia kisioni kya Turkana ya umiloni wa sua utukuni wa kuamukia umunthi.
Mwitu inya wa mutetei wa kivila kya Upresident na tikiti wa kyama kya Third Way Alliance Ekuro Aukot ni kati wa ala mowaiwe.
Muvia wa uthukumi wa volisi (NPS) wiiweta kana kieleelo Kya ivithukia yii kwii kuya indo, kindu kila meaniisye na kutia andu angi na mawuumisye mai.
Kii kiuka masaa mavuthu itina wa munini wa president Rigathi Gachagua kuweta kana ivindani ikuvi niikuikiithya muuwo kisioni kya Kerio valley.
Ota ou muvia usu wa volisi niwaikiithisya ekali ma kisio kiu muuw’o itina wa maovisaa mbeange ma useeseeyi kutwaa kisioni kiu kutuumanya nthanga sya muuw’o.
