Uvisi wa makwani ma silikali (DPP) niwavyaiya itheka ikwani ila Aisha Jumwa ula wolootetwe kwosa mwanya wa minista muviani wa uthukumi na mivae usikatitwe nayo kukonya ulusani.
Jumwa ula utwiye ei muyumbe wa Malindi kwisila kwa mutongoesya wa ikwani yiu Alex Akula, uvisi wa DPP niwatavya Chief Magistrate Martha Mutuku kana nimakwatie mwamulo kumuvetanga Aisha ikwanini yiu ateo andu angi 8 ala usikatitwe namo nimekuendeeya na ikwani.
Ikuani isu ikawetwa matuku 17 mwei uu nikana koti yumye mwoolooto mweu undu yiutwaaiwa.
